May Day- poem




‘మేడే’ సవారీ చేస్తుంది 
                                                                                                                               చల్లపల్లి స్వరూపరాణి

ఇక్కడ కమ్మటి ‘మేడే’ 
ఎర్ర పూల ఏసీ చెట్టుకింద సేదదీరుతుంది 
వివక్ష వడ గాలుపులో
వొడలిపోయిన గుడిసె 
ఇంటా బయటా దగా మంటలు 
పాచీర చెంగుతో తుడుచుకుంటూ 
ఉస్సురుస్సురంటుంది....
ఎల్సిపోయిన మూడు రంగుల జెండాలు
ఇంకొన్ని కళా కాంతీ లేని రంగుల్ని
నెత్తిమీద సిలువలా మోసుకుంటూ
బతుకు గొల్గొతా కొండ ఎక్కలేక 
గోడకుర్చీ వేస్తుంది 
ఇక్కడ చెమట చుక్కల్ని 
అసే తుసే పిలుపులతో
ఏగ్యానం చేసే మేడ మాత్రం
ఎరుపు రంగు వీపుమీద సవారీ చేస్తుంది 
ఆఫీసు అటెండర్ల తో ఇంటి పనీ, పెంట పనీ 
చేయించే దొరలు
విద్యార్ధులతో తమ పెంపుడు కుక్కల 
అశుద్ధం కడిగించే దొరసానులు
ఇక్కడ అభ్యుదయపు 
చిలక పలుకులు
మా కమ్మగా పలుకుతారు 
అహో! ఇది మదమెక్కిన కులవాదం కాక
సామ్యవాదమెట్లా అవుతుంది 
మార్క్స్ గురువర్యా!
నువ్వీ ఊర్లో పుట్టుంటే 
‘కులం పెట్టుబడి’ అంటే ఏంటో 
విడమర్సి రాసేవాడివి కదా! 
బహుశా తప్పు నీది కాదు...
కానివారికి చుక్క పాలుతాపని
కామధేనువు కులానిదే! 
1.5.2019

Comments

Post a Comment

Popular posts from this blog

Jogini- Essay

Image
రాచ పుండు ‘థియోగమీ’                                                 చల్లపల్లి స్వరూపరాణి ఇక్కడంతా దేవుడి పేరు మీదే జరుగుతుంది. కవి పైడి తెరేష్ బాబు అన్నట్టు దేవుడు అసమానతల్ని సృష్టించి కొందరి ఆత్మగౌరవాన్ని ధ్వంసం చేస్తాడు. ఈదేశంలో కనీసపు మనిషి హోదా పొందని నికృష్ట జీవి అయిన జోగినీని సృష్టించినదీ ఆ దేవుడే! ఆమధ్య తెలంగాణలో ‘మొగుడనేవాడు మనిషైతే అతడు చనిపోయినప్పుడు నేను వితంతు పెన్షన్ కి అర్హత పొందుతాను, కానీ నా మొగుడు దేవుడైపాయే ఆడెప్పుడు సచ్చేది, పెన్షన్ ఎప్పుడోచ్చేది? అని ఒక జోగినీ అడిగిన ప్రశ్నకి అంతరిక్షంలోకి దూసుకెళ్తున్న నాగరిక సమాజం సమాధానం చెప్పలేదు... ఆమెని సృష్టించిన ఆ మాయదారి దేవుడు బదులు పలకలేడు... ఒకపక్క ప్రభుత్వాధినేతలే పోతురాజుల్ని, జోగినీలను ప్రోత్సహిస్తూ నగరం నడిబొడ్డున జాతర చేస్తూ, ‘రంగం’ చెప్పించుకుంటుంటే జోగినీల ప్రశ...
Read more

Nallamalla- Poem

నల్ల మల్ల చల్లపల్లి స్వరూపరాణి నల్లమలా! చిక్కని ప్రక్రుతి సోయగమా! నిన్ను చూస్తే పురాజ్ఞాపకాల ఉసిళ్లు భళ్ళున లేస్తాయి రంగురంగుల పూల సుగంధాలు రకరకాల పిట్టల గానం లోపలి పొరల్ని   సమ్మోహనంగా తాకుతాయి. జీవం నిండిన   నల్ల చలవ పందిరీ! కొండలపై వెన్నెల్ని మేసి వాగువంకల్ని వొరుసుకుంటూ దుప్పిలా పరుగెత్తిన చరిత్ర మా చూపుని శుభ్రం చేసేది. రేలపాటలు పాడే   వెదురు పూల వనమా!   నువ్వొక తత్వాల బైరాగివి సిద్దుడి మూలికవి పతి భక్తిని ఈడ్చితన్నిన అక్కమహాదేవి ధిక్కారానివి జనారణ్యంలోడస్సిపోయిన మనిషిని సేదదీర్చే సెలయేరువి మైదానాలను కాసే బయలుదేవరవి! అరమరికలులేని సమస్త జీవుల   వువ్వెత్తు జాతరవి   నల్లమలా! నాగరికత పన్నిన అభివృద్ధి కుతంత్రానికి గుండెపగిలి రోదిస్తున్న నిధి నిక్షేపమా! అక్కడక్కడ మినుకుమనే చుట్టుగుడిసెలు ఆది మానవుడి శిలాజాల్లాంటి అడవి బిడ్డలు ఆకుపసరుతో కలిసిపోయిన మనిషివాసన ఇక పొగచూరబోతుందా? విరగబూసిన ఇప్పపూల వనమా! చెంచిత కొప్పున మెరిసే   బంతిపూల దరహాసమా! నువ్విక నల్లపూసవేనా? నిన్ను క...
Read more

Nomadic Tribe- Chenchu

Image
చౌరస్తాలో చెంచు జాతి చల్లపల్లి స్వరూపరాణి        అడవిలో మానుల్లో వొకానొక మానులాగా అప్పుడే మోవులు తొడిగిన లేత పచ్చ ఆకులాగా స్వచ్చంగా పెద్దగా మాట్లాడకుండా యితరుల్ని చూస్తే మొహమాటంగా , బిడియంగా కనిపించే రాతియుగపు మనిషికి నికార్సైన ప్రతినిధి చెంచు . చెంచులు ఆదిమ మానవ తెగలలో ద్రావిడ జాతికి చెందిన వొకానొక ఆటవిక తెగకి చెందిన వారు . ' చెట్టు ’, ' చుంచు ’ వంటి పదాల నుంచి ' చెంచు ’ అనే పదం వొచ్చిందని పరిశోధకులు అంటారు . తెలుగు రాష్ట్రాలలో గుర్తించబడిన 33 గిరిజన తెగలలో చెంచులు మిగతా వారందరికంటే మరింత మూలకి నెట్టబడిన వీరు యెక్కువగ కర్నూలు , ప్రకాశం , ప్రస్తుత తెలంగాణా రాష్ట్రంలోని మహబూబ్ నగర్ జిల్లాలలో విస్తరించిన నల్లమల అడవులలోనూ కృష్ణా , గుంటూరు , కడప మొదలైన జిల్లాలలోని మైదాన ప్రాంతాలలో అరుదుగా నివసిస్తుంటారు . చెంచులు ప్రధానంగా ఆటవిక జాతి వారే ! పాల్కురికి సోమనాధుడు రాసిన ' పండితారాధ్య చరిత్ర ’ లో ఆయన చెంచుల గురించి పేర్కొన్నాడు . నల్లమల అడవిలో వున్న ప్రముఖ శైవ క్ష...
Read more