Krisha river-Poem






కృష్ణా నది
                                                                                                             చల్లపల్లి స్వరూపరాణి
ఒరే, కృష్ణా!
నువ్ వేదంలా ఘోషించకపోయినా 
సూత రుక్కువై 
మా చెవుల తుప్పు వదిలించావు
పైన చూపులకి నలుపైనా 
నీ నిలువెల్లా బలుపే 
కృష్ణా, నువ్వు నెత్తురై వురికావు తప్ప
అసలు నీరై ఎప్పుడు ప్రవహించావు?
ఓడ్చే చెమట కుండ వెలివాడ 
నీ నల్ల రేగడి చాళ్ళని తడిపి
నిన్ను ధాన్యాగారాన్ని చెయ్యలేదా? 
వానాకాలం నీ లోతట్టు ప్రాంతమంతా
గుడిసెల కన్నీటిమయం కదా! 
కృష్ణా, నిజం చెప్పు!
ఎన్ని మిస్సింగ్ శవాలను 
మింగి తేన్చావో
వాడు గడ్డిలో కుక్కి కాలవలో పాతిన 
పాలేరు దట్టాలు 
లాకుల దగ్గర ఆగి గడ్డిపోచకోసం
రాత్రంతా మేల్కొనేవి
ఇక్కడి భూములేలు దొరల క్రౌర్యం 
కిష్ట కాలవలో వెల్లువెత్తుతుంది 
ఆలీసమ్మ నెత్తురుతో 
మద్రాసు కాల్వ 
బరీగా తొణికిసలాడుతుంది చూడు! 
నీ గట్టుమీద మొలిచిన 
తధాగతుడ్ని తరిగిపోసి 
రేవుకో గుడికట్టిన కధకి 
నువ్వేకదా సాక్షివి!
నిజం చెప్పు,
మేటలేసిన కర్ర పెత్తనం 
కూలోడిని పిండుకు తాగి 
నడమంత్రపు సిరి తట్టలకెత్తుకోడం
నీకు తెల్సు కదా!
కృష్ణా, 
నువ్వు బ్రాహ్మణీకానికి ఎదురెళ్ళి
సూత జంధ్యపు పోగుగా మిగిలిపోయినవాడివి!
ఏట్లో చేపలు పట్టుకునే గుడిసెల్ని గెంటేసి 
కొవ్వు కరిగించే ఆశ్రమాలు కట్టిస్తావు
యిసుక తోడేళ్ళ డబ్బు సంచులు నింపుతావు 
కృష్ణా, నువ్వో కారంచేడువి, చుండూరువి
రొండున్నర జిల్లాల భాషని 
అందరి నెత్తిన రుద్దిన 
సాంస్కృతిక పెత్తనానివి!
'కృష్ణ వేణి అంటే 'నల్లటి జడ' అంట 
కానీ నీ పరీవాహమంతా 
పులి చంపిన లేళ్ళ రక్తపు చారలు తప్ప 
జడలల్లుకునే ఆడపిల్లల జాడ లేదు
ఆడ పసి గుడ్డుని 
తల్ల్లి కడుపులోనే చిద్రం చేసే
కత్తుల కార్ఖానావి 
అందుకే, నువ్ నాకు మస్కులర్ జెండర్
కృష్ణా, నీది ‘నల్ల దొరతనం’
నువ్వొక పాపాల భైరవుడివి 
ఒక ప్రవాహంలా కాక 
అంటుజాడ్యానికి ఆనవాళ్లైన 
ఊరి చెరువులాగో బావిలాగో 
అగుపిస్తావు
పారే ఏరువి కదా చేరదీరదామంటే 
నీ పొట్టలో దాగిన
తరతరాల జల సమాధులు
చెవిలో గూడుకట్టుకుని హోరుమంటున్నాయి
28.06.2019
* గోదావరి, 'హిందూ మహా సముద్రం' కవులు మద్దూరి నగేష్ బాబు, పైడి తెరేష్ బాబుల కోసం


Comments

Post a Comment

Popular posts from this blog

Charvaka Asram- Write up

Image
ప్రత్యామ్నాయ సాంస్కృతిక విప్లవ క్షేత్రం - మహాత్మా రావణ మైదానం   చల్లపల్లి స్వరూపరాణి ‘భారత దేశంలో జరిగినదంతా దేవుడి పేరు మీదే జరిగింది. వారి సమస్య పేరు ‘దేవుడు’ అని   వివాదాస్పద రచయితగా పేరొందిన సల్మాన్ రష్డీ గుజరాత్ లో 2002 మత ఘర్షణల సందర్భంగా ‘The Guardian’ అనే పత్రికలో పేర్కొన్నాడు. అలాగే కవి పైడి తెరేష్ బాబు కూడా ఇలాగే అంటాడు ‘దేవుడు సృష్టికర్త... బానిసత్వాన్ని సృష్టించి ఆత్మగౌరవాన్ని ధ్వంసం చేస్తాడు’.   నిజమే! ఇక్కడంతా దేవుడి పేరునే జరుగుతుంది. నిచ్చెనమెట్ల కుల వ్యవస్థని నేనే సృష్టించానని చెప్పుకునే దేవుళ్లున్న మతం రాజ్యమేలే దేశంలో అసమానతకు ప్రాతిపదికగా ఉండే బ్రాహ్మణీయ హిందూ మతానికి అనధికార ఆమోద ముద్ర వుంటుంది. మతం భారత సమాజాన్ని పట్టి పీడిస్తున్న   అతి ముఖ్యమైన రుగ్మత అని ప్రాచీనకాలంలోనే చార్వాక, లోకాయతులు గుర్తించారు. వివిధ అంశాల మధ్య కార్యాకారణ సంబంధాలని పరిశీలించే   హేతువాద దృష్టిని ఎదగనీయకుండా   మనిషి   కళ్ళు మూసే దైవ భావన పైన, దాని తాత్వికత పైన వారు   ప్రశ్నల తూటాలు సంధించారు. ప్రాచీనకాలంలో భౌతికవాదాన్ని ప్రచారం చేసిన త...
Read more

Nomadic Tribe- Chenchu

Image
చౌరస్తాలో చెంచు జాతి చల్లపల్లి స్వరూపరాణి        అడవిలో మానుల్లో వొకానొక మానులాగా అప్పుడే మోవులు తొడిగిన లేత పచ్చ ఆకులాగా స్వచ్చంగా పెద్దగా మాట్లాడకుండా యితరుల్ని చూస్తే మొహమాటంగా , బిడియంగా కనిపించే రాతియుగపు మనిషికి నికార్సైన ప్రతినిధి చెంచు . చెంచులు ఆదిమ మానవ తెగలలో ద్రావిడ జాతికి చెందిన వొకానొక ఆటవిక తెగకి చెందిన వారు . ' చెట్టు ’, ' చుంచు ’ వంటి పదాల నుంచి ' చెంచు ’ అనే పదం వొచ్చిందని పరిశోధకులు అంటారు . తెలుగు రాష్ట్రాలలో గుర్తించబడిన 33 గిరిజన తెగలలో చెంచులు మిగతా వారందరికంటే మరింత మూలకి నెట్టబడిన వీరు యెక్కువగ కర్నూలు , ప్రకాశం , ప్రస్తుత తెలంగాణా రాష్ట్రంలోని మహబూబ్ నగర్ జిల్లాలలో విస్తరించిన నల్లమల అడవులలోనూ కృష్ణా , గుంటూరు , కడప మొదలైన జిల్లాలలోని మైదాన ప్రాంతాలలో అరుదుగా నివసిస్తుంటారు . చెంచులు ప్రధానంగా ఆటవిక జాతి వారే ! పాల్కురికి సోమనాధుడు రాసిన ' పండితారాధ్య చరిత్ర ’ లో ఆయన చెంచుల గురించి పేర్కొన్నాడు . నల్లమల అడవిలో వున్న ప్రముఖ శైవ క్ష...
Read more

Dalit Women's Writing-EPW

Dalit Women’s Writing in Telugu Challapalli Swaroopa Rani It has taken a long time for dalit women to overcome their oppression as women, as dalits and put to creative use the gains of social and literary movements. There are of course common issues that bind dalit men and women, like untouchability and caste oppression. But women also suffer from patriarchal oppression. These concerns are constantly foregrounded in dalit women's poetry in Telugu and is evident in the form, content and the emotions that they express. However, dalit women's poetry in Telugu still needs to develop beyond the confines of patriarchy. The alphabet is now a weapon in the hands of 'untouchables' - a weapon to attack the oppression perpetrated by brahminism for centuries, Dalits denied learning and respect, have now crafted self-respect from their humiliation, strengthening their castes and destroying 'sanatana' values and traditions' People who have been ...
Read more