CAB/NRC- poem














తాటక దండకం
                                                                                      చల్లపల్లి స్వరూపరాణి

దేశమంటే మట్టీ మశానాలూ
మల మూత్రాలూ,
గుడి గోపురాలూ కాదురా!
కష్ట జీవుల్ది ఈదేశం...
దేవుడి పేరు చెప్పి
మనుషుల్ని దెయ్యంలా పీడించే
సైతాన్, అసలు నువ్వేరా,
ఈదేశానికి పట్టిన చీడ పుగుగువి !
ఒరే,
నువ్వు కడుపుకి అన్నం తింటున్నావా!
తిండి పేరు చెప్పి
నరమాంసం బొక్కుతున్నావ్!
పరిశుద్ధం, స్వచ్చం అంటా
దేశాన్ని గంగానదిని చేసేవ్ కదరా!
నీ దేశభక్తి సంబడం
చెవలకి బో ఇంపుగా ఉందిలేగానీ
నీ మనుషుల్లో ఒక్కడంటే ఒక్కడు
మిలిట్రీకెల్లిన మొగోడున్నాడా చెప్పు !
అందరి మాయ ముంతలూ అడిగే
మొనగోడు సిమింటువి
ఏదీ, నీ అజాంబ్రం చూపియ్!
ఎక్కడోడివి... యాడోడివిరావిరా!
అసలు నువ్వు
ఏవూరికన్నా గడ్డెత్తినోడివేనా?
ఆడి కన్ను మన్నైపోను!
ఏదేవుడు చెప్పేడురా నీకు
ఈనేలని నెత్తురులో ముంచమనీ!
నీకు దూం తగల...
నీకు అచ్చరం విలువేందో తెలుసా!
చదువుకునే పిల్లోళ్ళ మీదపడి
ఏడిసి చస్తన్నావ్ ముదనష్టపోడా!
నీకు గత్తరొచ్చిపోను!
ఎన్నడన్నా నువ్ పుస్తకాల మొకం చూస్తే
గ్రంధాలయం తగలబెట్టవురా
తలకి మాసిన సన్నాసీ!
మా ఉసురు తగులుద్ది సూడు నీకు
ఆడపిల్లలని ఆగం చేసే
నీ ఇత్తనం ఇలమీద లేకుండా పోద్ది!
నీ ఇంట్లో ఇరవయ్యొక్క పీనుగెల్ల...
మల్లీ చెబుతున్నా యిను,
ఈ ఇలాకాలో ఎవురినన్నా
ఇంకోసారి ‘దేశద్రోహి’ అన్నావంటే
ముచ్చిలిగుంటలో తంతా!
18.12.2019

Comments

Post a Comment

Popular posts from this blog

Charvaka Asram- Write up

Image
ప్రత్యామ్నాయ సాంస్కృతిక విప్లవ క్షేత్రం - మహాత్మా రావణ మైదానం   చల్లపల్లి స్వరూపరాణి ‘భారత దేశంలో జరిగినదంతా దేవుడి పేరు మీదే జరిగింది. వారి సమస్య పేరు ‘దేవుడు’ అని   వివాదాస్పద రచయితగా పేరొందిన సల్మాన్ రష్డీ గుజరాత్ లో 2002 మత ఘర్షణల సందర్భంగా ‘The Guardian’ అనే పత్రికలో పేర్కొన్నాడు. అలాగే కవి పైడి తెరేష్ బాబు కూడా ఇలాగే అంటాడు ‘దేవుడు సృష్టికర్త... బానిసత్వాన్ని సృష్టించి ఆత్మగౌరవాన్ని ధ్వంసం చేస్తాడు’.   నిజమే! ఇక్కడంతా దేవుడి పేరునే జరుగుతుంది. నిచ్చెనమెట్ల కుల వ్యవస్థని నేనే సృష్టించానని చెప్పుకునే దేవుళ్లున్న మతం రాజ్యమేలే దేశంలో అసమానతకు ప్రాతిపదికగా ఉండే బ్రాహ్మణీయ హిందూ మతానికి అనధికార ఆమోద ముద్ర వుంటుంది. మతం భారత సమాజాన్ని పట్టి పీడిస్తున్న   అతి ముఖ్యమైన రుగ్మత అని ప్రాచీనకాలంలోనే చార్వాక, లోకాయతులు గుర్తించారు. వివిధ అంశాల మధ్య కార్యాకారణ సంబంధాలని పరిశీలించే   హేతువాద దృష్టిని ఎదగనీయకుండా   మనిషి   కళ్ళు మూసే దైవ భావన పైన, దాని తాత్వికత పైన వారు   ప్రశ్నల తూటాలు సంధించారు. ప్రాచీనకాలంలో భౌతికవాదాన్ని ప్రచారం చేసిన త...
Read more

Nomadic Tribe- Chenchu

Image
చౌరస్తాలో చెంచు జాతి చల్లపల్లి స్వరూపరాణి        అడవిలో మానుల్లో వొకానొక మానులాగా అప్పుడే మోవులు తొడిగిన లేత పచ్చ ఆకులాగా స్వచ్చంగా పెద్దగా మాట్లాడకుండా యితరుల్ని చూస్తే మొహమాటంగా , బిడియంగా కనిపించే రాతియుగపు మనిషికి నికార్సైన ప్రతినిధి చెంచు . చెంచులు ఆదిమ మానవ తెగలలో ద్రావిడ జాతికి చెందిన వొకానొక ఆటవిక తెగకి చెందిన వారు . ' చెట్టు ’, ' చుంచు ’ వంటి పదాల నుంచి ' చెంచు ’ అనే పదం వొచ్చిందని పరిశోధకులు అంటారు . తెలుగు రాష్ట్రాలలో గుర్తించబడిన 33 గిరిజన తెగలలో చెంచులు మిగతా వారందరికంటే మరింత మూలకి నెట్టబడిన వీరు యెక్కువగ కర్నూలు , ప్రకాశం , ప్రస్తుత తెలంగాణా రాష్ట్రంలోని మహబూబ్ నగర్ జిల్లాలలో విస్తరించిన నల్లమల అడవులలోనూ కృష్ణా , గుంటూరు , కడప మొదలైన జిల్లాలలోని మైదాన ప్రాంతాలలో అరుదుగా నివసిస్తుంటారు . చెంచులు ప్రధానంగా ఆటవిక జాతి వారే ! పాల్కురికి సోమనాధుడు రాసిన ' పండితారాధ్య చరిత్ర ’ లో ఆయన చెంచుల గురించి పేర్కొన్నాడు . నల్లమల అడవిలో వున్న ప్రముఖ శైవ క్ష...
Read more

Dalit Women's Writing-EPW

Dalit Women’s Writing in Telugu Challapalli Swaroopa Rani It has taken a long time for dalit women to overcome their oppression as women, as dalits and put to creative use the gains of social and literary movements. There are of course common issues that bind dalit men and women, like untouchability and caste oppression. But women also suffer from patriarchal oppression. These concerns are constantly foregrounded in dalit women's poetry in Telugu and is evident in the form, content and the emotions that they express. However, dalit women's poetry in Telugu still needs to develop beyond the confines of patriarchy. The alphabet is now a weapon in the hands of 'untouchables' - a weapon to attack the oppression perpetrated by brahminism for centuries, Dalits denied learning and respect, have now crafted self-respect from their humiliation, strengthening their castes and destroying 'sanatana' values and traditions' People who have been ...
Read more