CAB- poem













బరిగీత
                                             చల్లపల్లి స్వరూపరాణి

గొంతుకు కత్తి వేలాడేసుకుని
నెత్తురోడుతున్న కల్లోల బతుకులు
అనివార్యంగా
చౌరస్తామీదకొచ్చి
జానెడు పౌరసత్వం కోసం
యిప్పుడు బరిగీత మీద నుంచోక తప్పలేదు...
ఏరోజుకారోజు
‘శీల పరీక్ష’ సర్కస్ తాడు మీద నడవడం...
ఆదివాసీ మనిషి చెట్టు వేళ్ళమీద
గొడ్డలి గురిపెడితే
ఎప్పటికప్పుడు
అడవి తన ఆనవాలని
నెత్తురోడ్చి మరీ నిరూపించుకోవల్సి రావడం...
ఏపూటకాపూట
అభద్రతని చప్పరిస్తూ
రాజ్యం కణత మీద తూటా గుచ్చితే
ఉన్నపాటున
ఊరు ఖాళీ చెయ్యాల్సి రావడం...
నోరుండగా నాలిక కత్తిరించడం
నిలువెత్తు మనిషి నుంచి
నీడ మాయమవ్వడం
ఈ మట్టిలో
తన పాదముద్రలు పాతేసుకున్న మూలవాసిని
రాత్రికి రాత్రి దేశం నుంచి వెలెయ్యడం...
యింతకీ కాందిశీకుడంటే ఎవురు బాబయ్యా!
ఐదారు వేల ఏళ్ల పత్రాలు, సాక్ష్యాలూ
ఇనప్పెట్టెలో దాచుకుని
అడగ్గానే చూపెట్టడానికి
వీపుకు కట్టుకు తిరగలేని
వెర్రిబాగులోడా?
తన దేహాన్ని ఎరువేసి
ఈమన్నులో చెమట మళ్ళు పారించి
సంపదని దేశం గరిసెలకెత్తినోడా?
ఎండలో వానలో
మంచులో మబ్బులో
చావు సరిహద్దులో నిల్చుని
దేశానికి పహారా కాసినోడా?
సెంటు నేలపై
హక్కు భుక్తం లేకపోయినా
అనివార్యంగా దీన్ని కళ్ళకద్దుకుని
గుండెలపై మోసిన
బరిబాతల మట్టి చేతులా?
వెధవది ఆవుల మందైనా కాకపోతిమి
నడి దేశం మీద నిలబడి
ఈదేశం మాదని
జబ్బ చరిచేవాళ్ళం బాబయ్యా!
పుట్టుకతో నేరస్తులమై
చివరాఖరు మనుషులమై
పిడికెడు భూభాగం పొందలేక
దేశంలోపల పరాజితులుగా మిగిలేం...
పుట్టి పెరిగిన ఇంట్లోంచి గెంటేస్తే
కనుగుడ్ల నిండా నీరు కుక్కుకుని
నిలవ నీడకోసం అంగలార్చాం...
మాకిక పరుగెత్తే ఓరిమి లేదు
ఈదేశానికి అన్నం పెట్టిన
సిసలైన దేశ భక్తులెవురో
బొజ్జలు నింపుకున్న
తిండిపోతు తిమ్మన్నలెవురో
చాంతాడంత చిట్టా విప్పాల్సిందే...
ఏడేడు తరాలు తవ్విపోస్తాం
ఇక బరిగీత మీద నిలబడి
తాడో పేడో తేల్చుకుంటాం
తాత ముత్తాతలు తచ్చ్చాడిన
సింధూనది వొడ్డు మీద ఆన
లెక్క తేలాల్సిందే...
16.12.2019

Comments

Post a Comment

Popular posts from this blog

Charvaka Asram- Write up

Image
ప్రత్యామ్నాయ సాంస్కృతిక విప్లవ క్షేత్రం - మహాత్మా రావణ మైదానం   చల్లపల్లి స్వరూపరాణి ‘భారత దేశంలో జరిగినదంతా దేవుడి పేరు మీదే జరిగింది. వారి సమస్య పేరు ‘దేవుడు’ అని   వివాదాస్పద రచయితగా పేరొందిన సల్మాన్ రష్డీ గుజరాత్ లో 2002 మత ఘర్షణల సందర్భంగా ‘The Guardian’ అనే పత్రికలో పేర్కొన్నాడు. అలాగే కవి పైడి తెరేష్ బాబు కూడా ఇలాగే అంటాడు ‘దేవుడు సృష్టికర్త... బానిసత్వాన్ని సృష్టించి ఆత్మగౌరవాన్ని ధ్వంసం చేస్తాడు’.   నిజమే! ఇక్కడంతా దేవుడి పేరునే జరుగుతుంది. నిచ్చెనమెట్ల కుల వ్యవస్థని నేనే సృష్టించానని చెప్పుకునే దేవుళ్లున్న మతం రాజ్యమేలే దేశంలో అసమానతకు ప్రాతిపదికగా ఉండే బ్రాహ్మణీయ హిందూ మతానికి అనధికార ఆమోద ముద్ర వుంటుంది. మతం భారత సమాజాన్ని పట్టి పీడిస్తున్న   అతి ముఖ్యమైన రుగ్మత అని ప్రాచీనకాలంలోనే చార్వాక, లోకాయతులు గుర్తించారు. వివిధ అంశాల మధ్య కార్యాకారణ సంబంధాలని పరిశీలించే   హేతువాద దృష్టిని ఎదగనీయకుండా   మనిషి   కళ్ళు మూసే దైవ భావన పైన, దాని తాత్వికత పైన వారు   ప్రశ్నల తూటాలు సంధించారు. ప్రాచీనకాలంలో భౌతికవాదాన్ని ప్రచారం చేసిన త...
Read more

Nomadic Tribe- Chenchu

Image
చౌరస్తాలో చెంచు జాతి చల్లపల్లి స్వరూపరాణి        అడవిలో మానుల్లో వొకానొక మానులాగా అప్పుడే మోవులు తొడిగిన లేత పచ్చ ఆకులాగా స్వచ్చంగా పెద్దగా మాట్లాడకుండా యితరుల్ని చూస్తే మొహమాటంగా , బిడియంగా కనిపించే రాతియుగపు మనిషికి నికార్సైన ప్రతినిధి చెంచు . చెంచులు ఆదిమ మానవ తెగలలో ద్రావిడ జాతికి చెందిన వొకానొక ఆటవిక తెగకి చెందిన వారు . ' చెట్టు ’, ' చుంచు ’ వంటి పదాల నుంచి ' చెంచు ’ అనే పదం వొచ్చిందని పరిశోధకులు అంటారు . తెలుగు రాష్ట్రాలలో గుర్తించబడిన 33 గిరిజన తెగలలో చెంచులు మిగతా వారందరికంటే మరింత మూలకి నెట్టబడిన వీరు యెక్కువగ కర్నూలు , ప్రకాశం , ప్రస్తుత తెలంగాణా రాష్ట్రంలోని మహబూబ్ నగర్ జిల్లాలలో విస్తరించిన నల్లమల అడవులలోనూ కృష్ణా , గుంటూరు , కడప మొదలైన జిల్లాలలోని మైదాన ప్రాంతాలలో అరుదుగా నివసిస్తుంటారు . చెంచులు ప్రధానంగా ఆటవిక జాతి వారే ! పాల్కురికి సోమనాధుడు రాసిన ' పండితారాధ్య చరిత్ర ’ లో ఆయన చెంచుల గురించి పేర్కొన్నాడు . నల్లమల అడవిలో వున్న ప్రముఖ శైవ క్ష...
Read more

Dalit Women's Writing-EPW

Dalit Women’s Writing in Telugu Challapalli Swaroopa Rani It has taken a long time for dalit women to overcome their oppression as women, as dalits and put to creative use the gains of social and literary movements. There are of course common issues that bind dalit men and women, like untouchability and caste oppression. But women also suffer from patriarchal oppression. These concerns are constantly foregrounded in dalit women's poetry in Telugu and is evident in the form, content and the emotions that they express. However, dalit women's poetry in Telugu still needs to develop beyond the confines of patriarchy. The alphabet is now a weapon in the hands of 'untouchables' - a weapon to attack the oppression perpetrated by brahminism for centuries, Dalits denied learning and respect, have now crafted self-respect from their humiliation, strengthening their castes and destroying 'sanatana' values and traditions' People who have been ...
Read more